D Luft hät Fiäber

S Meteo hät wiä immer gseit, was mer au scho weiss
Mer sölli go bade, es wärdi drumm heiss
Aber nöd z schnäll is Wasser, will’s chalt seig im See
Und uf em Nufene obe heig’s im Fall no vill Schnee

Ref.
Meh als 37 Grad, das isch doch nüme gsund
D Luft hät Fiäber, da frögsch di nach em Grund
Essigsocke, Wadewickel, Paracetamol
Bi 37 Grad isch’s au em Summer nümm wohl

Aber es sind no drü Wuche bis zu de Summerferie
Und mis Büro z Züri nöd fit für e Hitzetagserie
D Ventilatore surred mit de Computer um d wett
Ach hetti doch Ferie, uf em Nufene wär’s nett!

Ref.
Meh als 37 Grad, das isch doch nüme gsund
D Luft hät Fiäber, da frögsch di nach em Grund
Essigsocke, Wadewickel, Paracetamol
Bi 37 Grad isch’s au em Summer nümm wohl

De Bund hät gwarnt und gseit mer sölli vill trinke
Und irgendwie fangt’s mir langsam aa stinke
Mir warned de Bund vor em Klimawandel
Er warnt eus vor de Hitz – so en Chuehandel!

Ref.
Meh als 37 Grad, das isch doch nüme gsund
D Luft hät Fiäber, da frögsch di nach em Grund
Essigsocke, Wadewickel, Paracetamol
Bi 37 Grad isch’s au em Summer nümm wohl